ابوذيات روعة

يدهري شبيك كل وكتك مر انت
وگلبي على القهر والهم مرنته
طبع رجال ماتحمل مره انت
طبع عگرب جمعت وطبع حية
+++++++++++++++
لغيرك ماهوت روحي ودارت
ولا يوم أنكرت حبهه ودارت
الك ياما دمع صبت ودارت
وعينك ماتصب دمعه عليه
+++++++++++++++
عليه افترت الدنيا ودارت
وأخفت كل حلو عني ودارت
على جروحي ملح صبت ودارت
وصحت كل جروح الغفت بيه
+++++++++++++++
الك حب الگلب يسمر ولك راد
ولك حس بوجع گلبي ولك رد
لاترك ألحوت حسنك ولا اكراد
ولا حتى البلاد الفارسية
+++++++++++++++
الك ياما رسايل غزل وديت
وتدري انت حبيب والك وديت
صرت كلي حبيبي جروح وأديت
ونشف دمي بسبب زعلك عليه
+++++++++++++++